E team cu ta campeon invicto den cuatro categoria di U15, U17, U20, y Division Honor pa 2022

ORANJESTAD (AAN): Riba Diamars, e organizacion di SV Atletico Santa Fe a reacciona, bisando cu nan a lamenta publicacionnan riba social media y kier a "set the record straight".

   Hunto cu su directiva a dicidi di duna honor na unda honor ta mereci. Nan hungadornan cu a worde bautisa cu e nomber "The Fierce Lions" ta train varios aña cu sr Mavarez y su staff technico y nan tabata 50% di e team di Divishon-1 cu a clasifica pa Division di Honor.

   Sr. Mavarez y su team no ta desconoci den e mundo di futbol. Es mas e aña aki el a hiba SV Atletico Santa Fe na, sub-campeon di U15, campeon di U17 y campeon di U20. Y si nos ta sincero el a contribui mas di 50% cu e titulo di Division di honor.

  Na cuminsamento di temporada nan a reuni cu full e team, y a acepta hende nobo pa reforza e directiva pa traha den bienestar di henter SV Atletico Santa Fe, y coach Sr. Mavarez hunto cu e nobo nan a bay lidera e division honor.

   Despues di desaroyonan menos positivo di parti di e ultimo dos miembro nobo nan, entre otro claim sponsorship cu a pidi den nomber di club pa su mesun uso. Despues di hopi discusion nan a dicidi di tuma nan retiro.

   “Nos ta lamenta cu cosnan a yega asina leu pero board di SV Atletico Santa Fe ta voluntarionan cu ta traha na bienestar di nos talentonan hoben, no pa fama.”

   E muchanan cu a carga y hiba Div- 1 pa Campeon, ta hungador nan di U15 cu U17 y U20 di Santa Fe cu a train añanan cu coach Juan Mavarez.

   Nan ta hoben nan humilde cu a ser forma, guia, motiva y patrocina pa hopi aña door di notario mr Ted Johnson, su señora Desi Johnson y nan yiu Elizabeth Johnson.

   E hoben atleta nan aki ta esnan cu a hiba SV Atletico Santa Fe na 4 TRIUNFO den campeonato AVB 2022. A casi kibra record nacional ! (di Aruba Jrs.)

   Mester corda cu tur e añanan aki a guia e muchanan den e deporte di futbol y tene nan for di mal caminda y pa nan keda focused den train y cu alma y cuerpo bou di coach Juan, Jeff y Sergio, Ellen Gumbs y demas asistentenan y voluntarionan.

   E coach nan aki ta esnan cu a train hoben nan aki di SV Atletico Santa Fe desde hopi aña pasa.

   No por permiti dos coach cu a caba di drenta Santa Fe apenas algun luna, pa manda publica cosnan asina destructivo pa perhudica e hoben nan aki cu ta e

"The Fierce Lions" di SV Atletico Santa Fe.  Y tampoco pa nan purba trece desunion den un club manera Santa Fe cu ta un famia.

   "The Fierce Lions" y tur miembro a traha duro pa e cuatro titulo cu nan a logra como campeon Aruba su futbol 2022.

   Publicacion nan asina ta demotiva y kibra tur e trabao di HOPI anjas cu notario mr. Johnson ta bin ta haci cu su casa Desi, Michella y awor Elizabeth hunto cu board.

   Directiva a finaliza bisando: “Nos ta un club chikito pero fuerte, cu tur e muchanan aki ta ser guia cu lealtad, norma y balornan cu nan si ta respeta.”

E ta preparando su mes na Colombia: