Parlamentario Jennifer Arends-Reyes:
All Stories
Meverly Romano di DIMP:
Skirbi pa Rachelle Lue-Goedgedrag
ORANJESTAD (AAN): Publico ta bon bini na e presentacion di un buki nobo pa mucha titula ‘Y ami awo?’ di escritora Rachelle Goedgedrag. Esaki lo tuma lugar na Biblioteca Nacional Aruba, diabierna dia 11 di september 2026 pa 5’or di atardi.
Rachelle Lue-Goedgedrag ta un autor Arubiano cu ta encanta skirbi storia cu ta laga e lesado drenta den un mundo yena di aventura, sinti diferente emocion y conecta cu e personahenan. Den su storianan, e ta combina su interes pa psicologia cu su amor pa nos idioma Papiamento, creando suspenso cu ta tene e lesado curioso pa sa kico lo pasa despues.
Biografia: Rachelle Lue-Goedgedrag ta un autor Arubiano y su pasion pa skirbi a cuminsa door di hunga cu palabra y crea poesia, cu pocopoco a crece bira storia y despues novela. Den su storianan, e ta duna bida na emocion, relacion y situacionnan cu hende por reconoce. Su manera di skirbi ta facil y natural, cu dialogonan cu ta zona manera nos ta papia cu otro na Aruba.
Cu su prome buki, Louella, Rachelle a haci su prome paso den mundo literario na 2024. E novela a capta hopi atencion y a laga hopi lesado curioso pa mas.
Awor ta sigui “Y ami awo?”. Esaki ta bira su prome buki pa mucha, na 2026. Cu e buki aki, Rachelle kier pone enfasis riba importancia di cuida nos naturalesa y bestianan, y concientisa grandi y chikito di e rol cu nos tin den esaki.
Banda di ta autor, Rachelle ta docente di psicologia, Decano Central, PR y ta forma parti di International Affairs di Colegio EPI na Aruba. Tambe e ta fundador di Fundacion Conecta y Briya, cu ta crea oportunidad pa trece hende hunto pa medio di buki, proyectonan educativo, actividadnan social y competencia di puzzel.
Rachelle ta casa cu Naviel y ta mama orguyoso di tres yiu homber, Jaythro, Xavier y Gian, kende cu nan curiosidad, fantasia y manera di mira mundo ta sigui inspira su creatividad tur dia.
Relato di e Indice di Prijs di Consumo
ORANJESTAD (AAN): Cuerpo Policial Aruba (KPA) a conclui recientemente un curso intensivo di SGBO
ORANJESTAD (AAN): Apenas recien DIARIO a cubri e hecho cu e scol YNZ Montessori situa na Kudawecha,
ORANJESTAD (AAN): E mata di Pitaya ta uno cu cualkier persona cu planta nan, tin di compronde cu e ta un sorto di cadushi,
ORANJESTAD (AAN): Diamars atardi, e subsuelo bao superficie di lama na parti Zuidoost di isla di Bonaire, particularmente cerca di Venezuela tabata geologicamente basta activo. Ta desde final di Juni cu e dos temblornan devastador a destrui La Guaira y areanan rond na Venezuela, e zona aki a keda basta activo.
Pero Diamars atardi pa anochi, tabata prome biaha cu a registra asina hopi temblor relativamente leve bao di superficie di lama parti Zuidoost di Bonaire.
Nan ta temblornan cu magnitud hopi chikito mes, pues mayoria vez ta aparatonan sensitivo di seismogram so ta detecta nan. Pero e ta yudabo compronde con cierto area ta birando activo cu temblornan chikito.
#1: E prome cu a keda registra tabata 3:28 pm, y esaki tabatin un magnitud di 2.2º riba Scala di Richter. E epicentro a wordo localiza na 11.15º Nort y 67.69º West. E ta na un profundidad di 29,8 km bao subsuelo di lama. Esaki ta situa 114 km Zuid-Zuidoost di Willemstoren na parti mas zuid di Bonaire.
#2: E di dos a keda registra pa 4:30 pm, y esaki cu un magnitud di 2.1º riba Scala di Richter. E epicentro a wordo localiza na 10.97º Nort y 67.76º West, y cu profundidad hopi superficial di apenas 5,7 km bao subsuelo di lama. Esaki ta situa 128 km Zuid-Zuidoost di Willemstoren na parti mas zuid di Bonaire.
#3: E di tres a keda registra pa 6:13 pm, y esaki cu magnitud di 1.7º riba Scala di Richter. E epicentro a wordo localiza na 10.61º Nort y 67.52º West, y cu profundidad hopi superficial di apenas 2.1 km bao subsuelo di lama. Esaki ta situa 176 km Zuid-Zuidoost di Willemstoren na parti mas zuid di Bonaire.
#4: E di cuatro a keda registra pa 6:30 pm, y esaki cu magnitud di 2.1º riba Scala di Richter. E epicentro a wordo localiza na 10.75º Nort y 67.69º West, y cu profundidad di 16.3 km bao subsuelo di lama. Esaki ta situa 154 km Zuid-Zuidoost di Willemstoren na parti mas zuid di Bonaire.
#5: E di cinco a wordo registra pa 7:32 pm, y esaki cu magnitud di 1.7º riba Scala di Richter. E epicentro a wordo localiza na 10.64º Nort y 66.94º West, y cu profundidad di 5.0 km bao subsuelo di lama. Esaki ta situa 209 km Zuidoost di Willemstoren na parti mas zuid di Bonaire.
#6: E di seis a keda registra pa 9:16 pm, y esaki cu magnitud di 1.6º riba Scala di Richter. E epicentro a wordo localiza na 10.61º Nort y 67.30º West, y cu profundidad superficial di 5.8 km bao subsuelo di lama. Esaki ta situa 188 km Zuid-Zuidoost di Willemstoren na parti mas zuid di Bonaire.
Pa aña escolar nobo cu Fiesta di Pirata
