ORANJESTAD (AAN): E mata di Pitaya ta uno cu cualkier persona cu planta nan, tin di compronde cu e ta un sorto di cadushi,
cu ta crece bao condicionnan specifico di luz, tera, y sosten. Nan ta prefera temperaturanan calor, y pero lo beneficia di sombra den oranan di merdia pa evita cu nan ta haya quemadura di solo. Toch nan ta rekeri 6 te 8 ora di solo tur dia pa crecimento optimal y produccion di fruta.
E tera mester ta uno caminda awa no ta keda acumula, pues e ta seca rapidamente. E mester ta tera organico, cu tiki gordura aden. Pero e principal ta evita cu e reis ta keda muha, y por putri e ora.
Pasobra nan ta un mata cu ta ‘crece bay halto”, nan mester di sosten pa nan sigui crece bay ariba, of un sosten di muraya of pilarnan cu trali pa tene nan takinan.
Si acaso e tera mas na halto ta hopi seco, bo tin di muha nan hopi mes cu awa. Aunke nan por tolera secura, toch nan mester di humedad constante durante e temporada di crece y temporada cu ta produciendo fruta.
Aki por mira e trahador Amalia na Santa Rosa, mustrando cu un recien cosecha nobo di Pitaya. Conoci tambe na ingles como ‘Dragonfruit’, e frutanan aki ta un delicia cu hopi hende gusta.,
