Promente y chiles den bo cuminda por ta beneficioso pa bo salud

Pa esnan cu ta gusta come cuminda hopi pica

MEXICO CITY: Ora di papia di fruta cu ta hopi pica, manera chiles, promente, habanero, jalapeño, madam janet, etc., cu ta importante pa compronde loke ta haci nan bira picante.

   E componente responsable pa e sensacion cayente aki ta “Capsaicina”.  Capsaicina ta aparece den e membrana y tambe simia di e fruta, y ora cu e promente ta mas pica, ta mas Capsaicina e tin.  Ora cu bo ta come chiles picante, Capsaicina ta uni na un di e receptornan di calor na bo boca y lenga, mandando señal na cerebro cu e curpa ta interpreta como un sensacion cayente.  E contesta aki ta e base di hopi di e beneficionan pa salud cu ta bin di promente y chiles picante.

   Beneficio 1- Perdida di peso y control di obesidad: Un di e beneficionan mas notable di Capsaicina den e frutanan pica aki ta nan capacidad pa aumenta metabolismo y yuda den perdida di peso.  Capsaicina ta aumenta e termogenesis loke nifica cu bo curpa ta kima mas caloria pa mantene un temperatura di curpa stabil despues di a come cuminda pica.  Esaki por ta un yudansa balioso pa esnan cu ta busca forma pa baha peso of mantene un peso saludable.

   Beneficio 2- Propiedadnan anti inflamatorio y antioxidante: Capsaicina tin tambe propiedadnan anti inflamatorio y antioxidante.  Tur esaki por yuda pa reduci e riesgo di malesanan cronico, manera malesanan cardiaco, diabetes, y cancer.  Ademas, e antioxidantenan den pica por yuda combati e radicalnan liber den curpa, cu ta yuda mantene salud di celnan y por retrasa cu bo ta bira bieu acelera.

   Beneficio 3- Alivio di dolor y mehora circulacion: Aki e Capsaicina den promente pica por actua como un analgesico topical ora e wordo aplica den forma di pomada of crema riba cuero. E productonan aki regularmente ta wordo usa pa alivia dolor pa cu condicionnan manera arthritis y neuralgia postherpetico.  Ademas, Capsaicina por yuda mehora circulacion di sanger door di dilata e adernan y reduci presion den adernan.

   Beneficio 4- Efectonan positivo pa salud cardiovascular: Consumo regular di promente y chiles picante a wordo asocia cu reduccion di malesanan di curazon.  Chiles picante por reduci nivelnan di cholesterol LDL (‘cholesterol malo”) y trigliceride, ademas di mehora e funcion di adernan di sanger.  E efectonan aki por reduci e riesgo di malesanan di curason y accidentnan cerebrovascular tambe.