Arubahuis haya bishita di 'Queen en King Zomercarnaval'

ORANJESTAD (AAN)/Den Haag: E Queen di Zomercarnaval 2023 Sharicia Hasham y King di Zomercarnaval 2023 Orwin Gomes a haci un bishita di cortesia na Minister Plenipotenciario mr. Ady Thijsen.

            Tanto Hasham y Gomes como Queen y King tabata tin e honor pa a habri e parada di Zomercarnaval 29 di Juli ultimo. Nan a bisa cu esaki tabata un experencia inolvidabel, principalmente cu nan a haya hopi apoyo, specialmente di e comunidad Arubiano banda di e ruta.

            Cu hopi orguyo nan a representa Aruba den e Zomercarnaval di Rotterdam.

Esaki tambe tabata palabranan di Minister Thijsen na Sharicia y Orwin cu nan a mustra di ta un digno representante di Aruba y tambe di Aruba su carnaval.

            Como aprecio Minister Thijsen a entrega na Sharicia y Orwin un regalo como gradicimento y tambe como recuerdo di nan bishita na Arubahuis.

 E potretnan ta cortesia di Arubahuis