Turista cu recien a hasta Sky-Dive na Aruba a fayece inesperadamente na Merca

ORANEJSTAD (AAN): E turista hoben Benjamin Allen Mitchell di 36 aña di edad procedente di Nashville, Tennessee na Merca a fayece inesperadamente Diadomingo siman pasa. 

E ta conoci como Ben, y ta un Ingeniero Civil cual titulo el a ricibi na Tennessee Tech University.

   E ta trahando cu Tennessee Department of Transportation, y ta un persona cu ta gusta viaha.  Recientemente el a haci un viahe pa Aruba hunto cu su comprometida Emma Bonnet, y aki nan a pasa bon na diferente actividad.

   Loke mas el a gusta na Aruba ta cu el a haya chens di bula cu parachute riba e isla.  Su sesion di Sky-Dive na Aruba despues a hasta dune impulso pa e tuma les di piloto na Nashville.

   Ben tabata un persona cu ta gusta conoce diferente cultura, y pesey e ta encanta pa haci viahe.  Su entiero a tuma lugar den fin di siman cu a pasa.

   Famia no a divulga di kico el a fayece, pero a djis informa cu el a fayece inesperadamente.