Tuberia misterioso na Spaanslagoenweg ta basha liquido constant den lama

ORANJESTAD (AAN): E siman aki, DIARIO a ser poni na altura door di algun persona, cu nan ta mira algo hopi sospechoso mes den area di Balashi, y cu ta bashando un of otro liquido desconoci djis den lama.

   Ora cu DIARIO a bay check e lugar unda e ciudadanonan aki a raporta e tubo aki, fotografo a bin nota cu ta trata aki di un area net banda di Spaanslagoenweg.

   E tubo aki tin cierto liquido ta bashando constantemente den lama.  Fotografo di DIARIO no por a detecta si acaso e tuberia aki ta bin di casnan, of ta bin di otro lugar, of si acaso e ta conecta riba un of otro riolering.

   Tampoco no por a saca afo si e ta un trabao profesional haci, of ta algo di konkelmento.

   DIARIO a yega y a nota cu berdad tin liquido ta bashando di esaki, y pa colmo no por trace bek di unda e ta bin, como cu e tubo ta pasa bao tera y ta bin sea for di cas, negoshi, of otro lugar cu tin eybanda.