Universidad di Aruba y IPA a organisa seminario interesante 'Hende muher y educacion'

ORANJESTAD (AAN):   Den cuadro di dia internacional di Hende Muher, cual tabata dia 8 di maart ultimo,

Universidad di Aruba hunto cu Instituto Pedagogico Arubano (IPA) a organisa un lectura hopi interesante relaciona cu e avancenan di hende muher den educacion na Aruba: calidad den educacion y ekidad di genero.

Pa esaki a conta cu presencia special di Prome Minister di Aruba, Evelyn Wever-Croes como tambe di directora di Universidad di Aruba Viola Heutger y di otro oradornan cu a trece e tema aki dilanti.

Tabata un tremendo lectura y sigur a comparti hopi informacion valioso durante di e anochi aki.