Te cu diasabra un total di 57,481 persona a vacuna na Aruba

ORANJESTAD (AAN): Te cu diasabra 15 di Mei pa 7:30 pm un total di 57,481 persona a vacuna na Aruba.

Esaki ta cifranan cu Departamento di Salud a duna di conoce relaciona cu e proceso di vacunacion di Covid-19.

Banda di esaki a informa tambe cu 26,360 persona a haya e prome dosis di e vacuna mientras cu 31,121 a keda cla cu tur dos dosis.

DVG a laga sa cu 88,602 vacuna na total a wordo aplica na Aruba.