Prome Ministro Eman y Ministro Cicilia a bay gradici esnan na Aeropuerto

Riba e dia druk di Diadomingo

ORANJESTAD (AAN): Tanto Prome Ministro Mike Eman, y Ministro di Turismo Wendrick Cicilia, a acudi na vliegveld pa asina duna un gratitud na tur cu a desplega servicio excepcional na Aeropuerto, esta e dia di ‘Super Sunday’ cu hopi extra vuelo yegando y saliendo.  Esaki despues cu riba Diasabra casi ningun vuelo internacional a yega.

   Diadomingo atardi, e dos titularnan di Awruba a presenta na Aeropuerto Reina Beatrix pa scucha y gradici personalmente tur e personal di Aeropuerto, Aduana, U.S Customs and Border Protection, Marechaussee, Grens Politie, Personal di Horeca y Duty Free, Migracion y tur otro partner, pa nan esfuerso incansabel y dedicacion extraordinario durante e “Super Sunday”.

   Durante e dia ey, mas di 17.000 pasahero a wordo procesa cu profesionalismo, compromiso y amabilidad.  E teamnan local a mustra un biaha mas cu nan ta enberdad e wes’i lomba di turismo di Aruba. E prome impresion y cara di nos isla, pero tambe e ultimo na momento di bandona nos isla.

   Gobierno ta profundamente agradecido pa e trabao cu nan tur a haci, dia tras otro, pa mantene Aruba hospitalario, sigur y eficiente. Danki pa boso entrega y pasion.