Popcorn Dancers a pone hende bay den memory lane

ORANJESTAD (AAN): Recientemente durante e certamen di Miss Teen Aruba International 2022 den Cas di Cultura,

DIARIO a keda sumamente encanta cu e presentacion di e grupo local ‘Popcorn Dancers’, ora cu den nan segundo presentacion a subi escenario, y a dal un cancion di medley di decada di 1980 y 1990, cu a pone tur hende bay bek den tempo.

   Bao guia y coreografia di Freddy Tromp, e grupo a duna un show sin ningun eror riba escenario, cu vestuario cu ta pone hende corda bek riba e epoca ey, y cu un boombox poni abao riba escenario pa duna e animacion musical di e musica cu hopi hende na Aruba keto bay ta encanta.  Tabata fenomenal pa mira hobennan di e futuro generacion domina e cancion y bailenan aki na un forma unico, sigur memorable, pone hende bay den ‘memory lane’.