NV Elmar ta sigui sostene Festival di Tumba

Pa nos tumberonan, pa nos cultura:

ORANJESTAD (AAN): Den 2026, compania NV Elmar ta sigui reafirma su compromiso cu nos identidad cultural, apoyando un di e eventonan mas emblematico di Aruba su Carnaval: Festival di Tumba. Pa nos tumberonan y pa nos cultura, Elmar ta sigui sostene un plataforma unda creatividad, ritmo y herencia cultural ta bin hunto.

    Atraves di su contribucion na SMAC, Elmar ta yuda crea un experiencia vibrante y memorabel pa tur esnan cu ta participa y asisti. Festival di Tumba ta representa mas cu un competencia musical; e ta e alma di Carnaval, un expresion autentico di nos pueblo y un scenario pa talento local florece.

Como parti di e apoyo continuo, Elmar tambe ta contribui cu e premio mayor pa e ganadornan di Tumba y Tumba Loco, como un gesto di reconocimento pa e dedicacion, pasion y impacto di nos tumberonan riba cultura Arubiano.

   Elmar ta invita henter Aruba pa bin celebra nos cultura y nos musica riba diasabra 17 di januari, na Carnival Village na San Nicolas, cuminsando for di 7’or di anochi. Bin sinti e energia, disfruta e ritmo y celebra Carnaval den su forma mas puro.

   Finalmente, Elmar ta desea henter Aruba un temporada di Carnaval dushi, sano y sigur. Den ritmo di tumba, sinti’e energia!