Mester pone extra wowo pa vigila muchanan na lama

ORANJESTAD (AAN): No tin scol e dianan aki.  Por a nota cu hopi mayor cu poder financiero a logra spaar y a hiba nan yiu pa pasa vakantie den exterior.

   Otronan debi na nan trabao, e biaha aki na 2022 no por a haci esey.  Nan a keda Aruba, y pa colmo tin di traha.

   Esey ta pone cu tin biaha, e muchanan ta keda na cas bao vigilancia di un persona adulto pa asina percura pa nan ta safe durante vakantie.  Pero muchanan no por keda henter dia ta gaming riba Tablet of Computer.

   Pues bo ta haya algun cu e bon idea, pa bay busca forma pa pasa pret.  Asina bo ta haya tin biaha cu un grupo grandi ta yega na lama, pa asina goza di e brisa di lama.

   Aunke e ta fenomenal idea, toch tin di corda cu e problema ta cu ora tin un grupo grandi di mucha asina, abo como adulto mester di ‘100 wowo’ pa wak nan.

   Un conseho pa na tur esnan cu ta hiba muchanna lama e dianan aki, pa tene hopi extra atencion.  Den un frega di wwoo mucha ta perde, y e ora ta haya problema debi cu mucha ta pasa mal rato.