Lillyputters Speelschool cu graduacion unico

ORANJESTAD (AAN): Den DoubleDown cafe su ballroom a tuma lugar e graduacion 2026 di Lillyputters speelschool su alumnonan.

E tema tabata e colornan di crayon y e lema ta: “Di Lillyputters pa Kleuter”. E MC pa di 12 aña tabata Addonsito Croes, conocido colaborador di DIARIO.

      Cancionnan skirbi pa Lilly Arends a ser canta live door di e mucha- y nan juffrouwnan Nadesca, Suhein y Lilly. Algun ta: Appel cora, 7 dia di siman, formanan bunita y mi por conta.  Tur esnan den e sala cu a mira e chikitonan den nan toga, a aplaudi nan masha hopi.

   Den su mensahe, juffrouw Lilly a gradici cada mayor y alumno pa e confianza deposita den Lillyputters speelschool e ultimo 2 añanan. Un danki grandi ta bay tambe na juffrouwnan Nadesca y Suhein. Tambe Darinka, Darienne, Mila, Kami, Whitney, Gino, Mikey y e staf y personal di Double Down Cafe. Juffrouw Lilly Arends tin total 51 aña como juffrouw di mucha chikito di cual 48 aña cu el a lanta Lillyputters speelschool