Hopi favorito a keda un banda y no a haya corona di Miss Universe

ORANJESTAD (AAN): Fanaticonan di candidatanan di e.o. Republica Dominicana, di Peru, di India, di Puerto Rico,

y tambe di Costa Rica, a keda hopi desanima cu nan no a sali cu e corona di Miss Universe 2021 riba Diadomingo anochi.

   Helen Hernandez di Aruba no a logra sali den e top 21 finalistanan, aunke di berdad el a haci su best y a hiba Aruba su nomber hopi na halto cu varios entrevista, incluyendo na TV.

   E candidata Chantal Wiertz di Curacao, kende a admiti di ta cay den e spectrum di autismo, a logra sali den di 21 top lugar, cu su briyo, su sonrisa constante y natural, y su cara semper na halto cu a sali fabuloso den potretnan.

   Hopi a keda encanta cu e forma cu Miss Peru, esta Janick Maceta del Castillo a presenta, y hasta duna su contesta den ingles perfecto.  Hopi a lamenta cu e traductor a faya asina barbaro ora di traduci e contesta di Miss Republica Dominicana, esta Kimberly Jimenez.  Prensa Dominicano riba Dialuna a hasta cuestiona, kico ta e necesidad pa haci cierto pregunta complica durante Miss Universe.

   Otro candidata cu a laga hopi hende agradablemente encanta ta  Miss India, esta Adline Castelino.  Pero esaki tampoco no a haya e corona.

   E resultado final tabata Miss Mexico a bay cu e corona.  Di dos lugar a bay pa Brasil, sigui pa Peru, India, y Republica Dominicana.