Grupo ta haya cu esnan cu no a vacuna ta sinti hopi discriminacion

ORANJESTAD (AAN): Movimento pro derecho humano, riba Dia Internacional di Derecho Humano,

a manifesta na Playa pa mustra nan desconento di e maneho contra derecho di pueblo ultimo temponan aki, principalmente rond di e pandemia.

   Nan a bisa cu tin hopi manipulacion ta andando, y principalmente esnan cu no ta vacuna ta sinti hopi discriminacion, y tin hopi desunion.  Mirando cu e ta un hangua opcional, no tin derecho pa esnan cu escoge pa no tume, pa wordo menaza of bully di un forma cu no por haya trabao, of no por keda traha mas.

   E grupo a usa esaki como principio di nan manifestacion.

   Como cu ta dia internacional di derecho humano, a invita demas gruponan na Aruba pa uni na e manifestacion.

   Nan a cana for di area di Plaza Boy Ecury rumbo pa Parlamento di Aruba, unda nan a entrega un Manifiesto na Vice-Presidente di Parlamento, Raymond Kamperveen.  Despues a haci entrega tambe na Ministronan Russel Arends, Rocco Tjon, y Geoffrey Wever.