ORANJESTAD (AAN): Un biaha mas Digicel ta pone su clientenan central y ta duna bek na comunidad di Aruba.
Recientemente Digicel a lansa su gran campaña di fin di aña titula “Mas Manera Pa Gana e Pasco aki”. E campaña aki lo sigui te cu e prome siman di januari, mientras cu e ganadornan lo keda anuncia 7 di januari 2022.
Roeland van der Hoeven, CEO di Digicel di islanan ABC ta comenta, “E aña aki nos clientenan lo tin mas manera pa gana premio. Ademas di Shake To Win, clientenan lo tin chance di gana ora cu interactua cu nos App(nan). Clientenan por usa Bip pa chat; D’Music pa scucha Adel y mas; of SportMax pa mira weganan di futbol cu chance di gana premio. E temporada aki nos tin diferente premio atractivo y ta nos deseo pa trese alegria den cas di tur famia. Un cliente, lo tin chance di biba un (1) aña gratis!”.
Premionan extraordinario:
E persona cu gana e prome premio den e campaña, lo biba un (1) aña gratis – Digicel lo paga su huur di cas, coriente y awa (utilidad), of gasolin y gastonan di comestibel. Sin lubida riba e cuenta di celular. Tin condicionnan aplicabel den e campaña aki, entre otro cu e suma total lo keda paga riba un base mensual mediante un montante fiho. E di dos premio lo ta 2 pasashi cu Copa Airlines pa e destinacion di bo soño y e tercer premio lo ta un plan di Digicel pa henter famia consistiendo di 4 contract Postpago pa un (1) aña paga.
Khafra Kambon CCO di Digicel ta comenta cu ta e deseo maximo pa tur cliente di Digicel participa. “Imaginabo biba un aña gratis. Ta un premio cu sigur lo trece hopi alivio y lo permiti e persona of famia cu gana pa recobra forsa y disfruta un poco mas di bida. Djis pensa tur loke bo por haci cu e placa extra!”
Participacion na e gran campaña di Pasco di Digicel ta facil, pa clientenan pre-pago lo mester recarga nan telefon cu AWG 10 of mas of activa un Prime Bundle di Digicel y Shake To Win. Por haci esaki facilmente den e MyDigicel App. Clientenan Postpaid, mester paga nan factura na tempo of por Shake To Win den e MyDigicel App. Pa cada accion tuma, sea Pre-pago of Postpago e cliente ta ricibi un coupon digital. Mas accion bo tuma, mas coupon di participacion lo bo ricibi!.
Espectacular Shake To Win tur diasabra:
lo recompensa nan clientenan cu diferente premio. Tur diasabra, tur cliente di Digicel cu un plan activo y cu Shake To Win ta gana premio garantisa. Banda di e premionan custumbra tin diferente otro premio mas. Clientenan por gana AWG. 100, AWG. 200 , AWG. 300 y ‘day pass’ of ‘weekendstay’ den hotel. Digicel ta desea henter pueblo di Aruba for di awe un feliz temporada di fin di aña!
