Edward Cheung a bishita tres klas di Colegio Santa Filomena

ORANJESTAD (AAN): Siman pasa, alumnonan di Klas 4, 5, y 6 di Colegio Santa Filomena na San Nicolas

a ricibi bishita importante!  Ta trata di e cientifico Dr. Edward Cheung, kende aworaki ta traha cu NASA.  E ta un persona cu a sali for di San Nicolas.

   Edward a bishita e scol, y a hiba combersacion y papia ampliamente riba topiconan cu e muchanan di e klasnan aki.  E tabata un experiencia maraviyoso y yen inspiracion pa e studiantenan, cu ta topa cu un persona di comunidad cu a yega na un logro profesional asina increibel.

   Nan ta hopi contento cu Edward a tuma su tempo pa bishita su comunidad y comparti su experiencia, conocemento, y inspiracion cue studiantenan.  Su bishita ta mustra muchanan cu soñonan por bira realidad ora cu bo ta kere den bo mes, traha duro, y sigui siña.

   Cabezante y docentenan ta gradici Dr. Edward Cheung pa su bishita na Colegio Santa Filomena, y inspira e futuro lidernan di Aruba.  E potretnan aki pa cortesia di Colegio Santa Filomena.