ORANJESTAD (AAN): E barco naval Zr.Ms. Friesland a yega waf di Willemstad diadomingo.
Despues di un periodo di tres luna na Hulanda, Zr.Ms. Friesland a regresa Caribe pa tuma over e rol di barco di stacion for di Zr.Ms. Groningen. E barco lo patruya e region den e siguiente lunanan y ta para cla pa duna asistencia di emergencia.
Zr.Ms. Groningen a conduci patruyanan den Region Caribe durante e ultimo lunanan. Como e barco di stacion, el a sirbi como 'wowo y orea' di Defensa riba laman den e region Caribe, y a forma un panorama di e situacion di seguridad den e region mediante su labor di monitoreo. Tambe e barco a sostene Wardacosta di Region Caribe den deteccion y intercepcion di transportenan di droga.
-Temblor na Venezuela
Na fin di juni, Zr.Ms. Groningen a contribui na esfuersonan di yudansa despues di e temblornan na Venezuela. E barco di stacion a transporta decenas di miles di kilo di suministro di yudansa pa e areanan afecta, incluyendo awa di bebe, cuminda y suministro medico pa e heridonan y pa hende cu a perde nan cas.
Door di mantene un barco di stacion den e region, Defensa Hulandes ta contribui na paz y seguridad den Region Caribe.
