Dyon Center cu bunita donacion pa muchanan den necesidad 

ORANJESTAD(AAM): Dyon Center hunto cu Basic Products International ta bay haci un donacion di 200 tas cu articulonan di scol,

cu lo wordo reparti na dos instancia cu ta yuda muchanan den necesidad.

E tasnan ta bay wordo duna na Rode Kruis y Fundacion Pa Nos Comunidad(FPNC).

“E dos instancianan ta haciendo un tremendo trabao pa nos comunidad”.

Nos kier gradici tambe pueblo di Aruba pa nan sosten durante tur e añanan aki y nos kier gradici tambe nos empleadonan, pasobra sin nan esaki no ta posibel, e representante di Dyon Center a duna di conoce.

El a indica cu e negoshi ta gusta enfoca riba ‘Back to School’, pasobra educacion ta un di e partinan mas importante di futuro di nos muchanan.

Un representante di FPNC tambe tabata presente y el a bisa cu e tipo di donacionnan aki ta sumamente importante pa nan, pasobra nan ta traha totalmente a base di e donacionnan cu nan ta ricibi, desde cu e fundacion a lanta na 2009.

E representante a splica cu FPNC tin un sistema unda cu via registracion di mayornan cu nan yiunan e fundacion ta tuma contacto cu nan pa wak kico ta nan necesidad y asina ta yuda nan.

Lizmarie Kranwinkel, boluntario di marketing di Rode Kruis tambe tabata presente y a gradici Dyon Center pa nan bunita donacion.

El a splica cu Cruz Cora ta trahando directamente cu trahadornan social di diferente scol, pa asina Cruz Cora ta hopi sigur cu e donacionnan ta bay cerca e muchanan cu di berdad tin mester di esaki.

“Mi ta haci un peticion na tur trahador social cu ainda no a email nos, pa por fabor tuma contacto cu nos via nos email, Cette adresse e-mail est protégée contre les robots spammeurs. Vous devez activer le JavaScript pour la visualiser. , pa nos duna informacion riba con pa yuda e muchanan aki”, segun Kranwinkel.