Fiesta di reunion pa ex studiante y habitantenan di Groningen tabata un exito total

ORANJESTAD(AAN): Den fin di siman na Hardgrooves Jazz Café a tuma lugar un fiesta di reunion

cu a wordo organiza pa personanan di Aruba cu a biba y of studia na Groningen decadanan pasa.

Via WhatsApp y social media e ex habitante y ex studiantenan di Groningen di Aruba y tambe algun di Corsow a haya sa di e happening y asina varios a presenta pa pasa ratonan ameno cu otro.

Hopi tabata e storianan y recuerdonan di antes cu a wordo comparti entre e ex habitantenan di entre otro Beijum, Leeuwenborg, Paddepoel, Selwerd, Korrewegwijk, Burchtstraat y Zuiderdiep.

E reunion tabata uno asina placentero cu a wordo palabra cu e ta bay ta algo cu mas biaha ta bay wordo organiza, pa asina tambe esnan cu e biaha aki no a logra yega, por yega otro biaha.