Diestres hoben di Pastoral Hubenil Noord a wordo nomina pa Poder di Hubentud

ORANJESTAD (AAN): E actividad di nominacion pa Poder di Hubentud realisa pa Asociacion Trabou di Hubentud na Aruba (ATHA)

a tuma luga diadomingo dia 7 di juli ultimo y esaki ta di 10 biaha cu ta organis’e.

            A nomina un total di 57 hoben di edad 13-18 aña, di cual 13 ta forma parti di Pastoral Hubenil Noord (PHN). Nan ta: Jurson, Zion, Aaron, Ethan, Rachelle, Ceejay, Nathania, Phillip, Daniel, Jurvin, Franklin, Jayden y Rebecca.

            Ta asina cu ta nomina un hoben cu a destaca durante 2023-2024 den trabou di boluntario, pero tambe riba diferente otro tereno. Departamento di Cultura Aruba (DCA) ta esun cu a nomina e hobennan di PHN pa e area di Educacion.

            E hobennan di PHN semper a demostra perseverancia den nan empeño pa educa nan mes riba tereno spiritual, cultural, social, creativo. Mayoria ta misdienaar, lector y ta eherce diferente otro tarea, no solamente den parokia Sta. Anna, sino tambe den otro parokia. E miembronan di PHN ta participa boluntariamente na diferente charla, workshop, seminario, retiro, etc.

            PHN ta gradici un y tur cu a bin apoya nos hobennan na Tropical Bottling Garden na Balashi y ta felicita Noord cu nominacion y logro di PHN!