Despues di 10 aña e edificio di Aduana ta birando realidad

ORANJESTAD (AAN): Esaki ta e edificio nobo di Aduana Aruba cu ta casi kedando cla na Barcadera. 

E edificio aki su proyecto mes a start cu papeleo y tur cos na 2016.

   Sinembargo e proyecto a bin topa hopi obstaculo y demas retonan, y esaki su ehecucion a keda wordo prolonga cada rato.  Te cu Aduana di Aruba mester a sali for di e edificio banda di Da De Drogist, y bay na uno temporal na Bushiri, cerca di WVB Boulevard.

   Pero na December di 2024 porfin a yega basta leu cu yudansa di DOW, DIP, Aduana y DWJZ, cu por a firma cu e contratista pa construccion di e edificio.  Esey ta debi cu na final tur conseho tabata positivo pa e edificio di 3 nivel (pues piso 1 te cu piso 3) wordo construi.

   E potret aki ta saca recien, unda bo ta mira cu casi tur parti pafo ya a keda cla.  DIARIO a compronde cu si tur cos sigui bon, e lo wordo entrega na luna di December venidero.