Colegio Conrado Coronel durante Aruba Doet a ricibi yudanza di Aruba Bank

ORANJESTAD (AAN): Aruba Bank ta un organizacion responsabel y ta contribui positivamente na comunidad di Aruba.

Durante di e actividad di Aruba Doet, e ekipo di Aruba Bank a duna un man na Colegio Conrado Coronel pa nan por realisa tur nan proyectonan di Aruba Doet 2021. E biaha aki e school a traha un plan pa asina realisa mas cu un proyecto cu normalmente nan sa di haci.

    Aruba Bank a contribui cu material pa por a caba di traha un cura rond di e “green garden” cu e school tin como tambe verf pa e school por verf e mediateca y e koffiekamer pa e docentenan.

   Aruba Bank ta comprometi na cumpli cu su “CSR” y di por aporta cu trabaonan comunitario na diferente manera durante di aña. Pabien na tur docente cu di forma boluntario a uni pa yuda den e proyecto di Aruba Doet, dunando back na comunidad.