Coach di Futbol a celebra demasiado nan goal di victoria y el a fayece

CAIRO: Diahuebs cu a pasa, ora cu e team dirigi pa coach Adham El-Selhadar tabata empata cu e score, porfin den extra tempo, esta na di 92 minuut cu e goal di victoria a wordo anota,

y eynan ta ora cu e Coach a celebra di e emocion cu cada un di e hungadornan, pero esakinan despues a pasa den momentonan di teror.

   E Coach di e team El-Magd SC na Egipto, tabatin un wega hopi preta contra e team di El-Zarqa.  Durante gran parti di e wega, e oncena di su team tabata buscando pa anota e goal di victoria, y finalmente ta den extra-time, e goal cu a haci diferencia a wordo nota, y esey a pone cu celebracion a cuminza tanto riba tereno di wega, como tambe e banki di suplentenan.

  Mescos cu cualkier fanatico y miembro di un team, Adham El-Selhadar a celebra cu yen grito e goal di su team, cu a pone subi riba lista di standing, pa yega na puesto 7, ora di a haya 14 punto cu e goal aki di ultimo minuut.

   Di fiesta pa luto:  Sinembargo, e fiesta a cambia den drama ora cu El-Selhadar a sak den otro, ora cu e tabata gritando e goal mientras e ta mantene su mes patras di e liñanan blanco dilanti e bankinan, y esaki a pone cu mesora e hungadornan y personal di e team a core yega pa dune auxilio.

   “Nos ta yora cu gran tristeza y dolor, cu nos coach Adham El-Selhadar, e ex-hungador di Ismaily, a fayece.  Nos ta roga Todopoderoso pa e cubri e defunto cu inmenso misericordia y cu e lo dune un lugar den hardin berde pa sosega,” e club a indica den un post riba social media.