ORANJESTAD (AAN): E conocido columnista Jose Rodrigues do Vale, a indica na DIARIO cu awe Diasabra 11 di December 2021, nan ta recorda e di 21 aña di fayecimento di Francisco Rodrigues do Vale.
Na aña 1952, Francisco a sali for di Funchal (Madeira) pa Rio de Janeiro (Brasil) cu edad di 18 aña.
Na Brasil, el a biba pa 3 aña largo y ora cu el a cumpli 21 aña, su ruman homber João Rodrigues do Vale, kende tabata bibando caba na Aruba, a manda buske for di Brasil.
Pues Francisco a yega Aruba na aña 1955, y despues di 1 aña el a contrae matrimonio cu Bibiana Maria (q.e.p.d.).
Hunto a funda famia Rodrigues do Vale aki na Aruba, y di cual a nace 12 yiu en total. Aworaki tin actualmente 7 na bida.
DIARIO ta gradici Jose Rodrigues do Vale pa e bunita relato aki, y ta desea nan forza awe.
