Caminata den ambiente di Pasco di Filomena College tabata exitoso

ORANJESTAD (AAN): E tabata un actividad cu un solo meta su dilanti.  DIARIO a haya sa, cu nan meta ta pa haya un sportcage nobo.

  Pa tal motibo, Filomena College MAVO a tene su caminata 2025 den curazon di San Nicolas. E caminata tabata total 4 kilometer, y e bon ta cu el a start y termina na ora.

   Directorado di Filomena College MAVO ta extende palabranan di danki na cada mayor y amigo di Filomena College MAVO pa e sosten enorme ricibi. Ta gradici Andina Ice, Wine and Dine hospitality, Zuidfort pa e premionan pa grupo cu mas ambiente y miho vestuario individual. 

   Mas y mas nan ta logrando nos meta di construi loke ta necesario pa nos alumnonan por haci deporte mas cerca di nan edificio di scol mes.  E potretnan ta pa cortesia maestro Joan Mahendrepersad.