Andrea Meza di Mexico corona como Miss Universe 2021

HOLLYWOOD:  E candidata Andrea Meza procedente di Mexico, a keda corona Diadomingo anochi como Miss Universe 2021 durante un evento na Seminole Hard Rock Hotel & Casino Hollywood. 

Andrea lo bay usa su aña cu e corona, pa keda promove e derechonan di sernan femenino y contra violencia cometi riba muhernan.

   Riba e potret por mira momento cu e ta wordo corona pa e reina saliente, Zozibini Tunzi, cu pa colmo tin e titulo di e Miss Universe cu a keda mas hopi cu e corona.  Esey ta debi cu aña pasa no tabatin certamen.

   Andrea Meza di 26 aña procedente di Chihuahua City, tin un grado den software engineering y e ta un activista tambe.  Aworaki e ta trahando hopi cerca cu e Instituto Municipal pa Muhernan, cu tin e meta pa finaliza violencia contra sernan femenino.  E ta ademas un experto certifica di makeup y modelo, cu tin hopi pasion pa ta activo y hiba un bida saludable. 

   E ta un vegan tambe, y ta goza di deportenan extremo den su tempo liber, incluyendo rappeling y sand boarding.  Andrea ta tambe e Embahadora di Turismo pa su pueblo di Chihuahua, promoviendo e mihor atraccionnan turistico y cultura rico cu su pais ta ofrece.

   E potretnan aki pa cortesia di Benjamin Askinas y tambe Tracy Ngyuen.