Alumnonan di Universidad a bay lesa un Poesia pa Ministro

Accion riba Dia di Derechonan Humano --- ORANJESTAD (AAN): Studiantenan di sector ‘Social Work & Development’ di Universidad di Aruba, a haci uso di e Dia Internacional pa Derechonan Humano,

pa tene un dia di hala atencion, y crea mas concientizacion den comunidad pa cu derechonan humano, derechonan di mucha, riba violencia contra muhernan, salud mental, y tambe di adulto y muchanan cu desabilidad, y mucho mas.

   Nan a haci esaki cu diferente presentacion den Caya Betico Croes na Playa, como tambe riba Plaza Daniel Leo.  Tur esaki bao guia di Nicole Hart.

   Na final, e studiantenan a presenta dilanti oficina di Gobierno na un forma hopi pasivo, cu borchinan hopi colorido y cada uno cu un mensahe bunita.  Aki nan a wordo ricibi pa Ministro di Husticia Rocco Tjon, Ministro Ursell Arends, Ministro Geoffrey Wever, y Ministro Endy Croes.

   Aki e simpatica alumno Marceylaine Paskel a lesa un poesia pa Ministronan.  Aki DIARIO ta presenta e poesia tambe.  E poesia ta taha pa Elizabeth Croes.