AHATA a conclui cu RevPAR den 2021 ta 36% menos cu na 2019

ORANJESTAD (AAN): Aruba Hotel & Tourism Association (AHATA) a publica e resultado di rendimento di hotelnan na 2021. 

   Na 2021 Aruba su hotelnan a experiencia un grado di ocupacion promedio di 56.7%, cual ta 33% menos cu na 2019. Cu otro palabra, ocupacion di hotel a recupera cu 67% compara cu 2019.

   ADR, cu ta  e balor promedio di cada camber bendi, a recupera cu 95% yegando $262.12 pa 2021.

   RevPAR, e entrada promedio pa tur camber disponibel, ta e indicador principal di e rendimento di nos industria turistico. Na 2021 a realisa un RevPAR di $148.56, cual ta 36% menos cu na 2019. Cu otro palabra, RevPAR a recupera cu 64% na 2021.