A inicia e trayecto di seleccion di e agentenan nobo di Wardacosta

ORANJESTAD (AAN):  Bou di guia di e instructornan di e estudio di Wardacosta e hobennan interesa den e ‘Basisopleidng Kustwacht’ (BOK)

a cuminsa na e trayecto di seleccion pa bira agente di Wardacosta.

E trayectonan di seleccion a tuma luga na Aruba, Corsou y St. Maarten caminda e hobennan entre 18 – 25 aña mester a haci diferente ehercicio y training pa demostra nan condicion fisico. E mainta di seleccion a start trempan cu e parti di landamento, jog y push-ups.

Na final nan mester a hasi un ehercicio den team, esaki ta un ehercicio importante como cu e hobennan lo bay traha hunto den team riba e unidadnan di Wardacosta riba lama.

E instructornan di e estudio di Wardacosta (BOK) a duna guia y observa e hobennan pa asina haci un seleccion di esunnan cu lo por cuminsa e estudio di Wardacosta nobo cual lo start den augustus 2021.

E siguiente reclutacion cual e hoben lo por solicita pa bira agente di Wardacosta lo cuminsa den januari 2022.