Un regreso historico: Campeonnan di Aruba Little League ta bek na cas

ORANJESTAD (AAN):  Dialuna atardi, Aruba a ricibi su heroenan deportivo cu orguyo.

E team di Aruba Little League a yega bek y a wordo honra manera e campeonnan cu nan ta den sala VIP di aeropuerto. Mandatario, parlamentario, famia y fanaticonan tabata tur presente pa brinda nan un bonbini caluroso y mereci.

Un parada espectacular a sali for di aeropuerto, pasando Mahuma, San Nicolas, Santa Cruz y Paradera, pa finalmente finalisa na Centro di Bario Dakota.

Masha pabien na e hobennan y nan coachnan pa e trabao tremendo y pa representa Aruba dignamente.