Apertura di Copa Don Elias Mansur a cuminza cu bon wega di futbol

ORANJESTAD (AAN): Diahuebs tabatin comienzo di e torneo di futbol mas popular na Aruba,

esta e di 24 edicion di “Copa Don Elias Mansur”.  E anochi a cuminza cu e ceremonia di apertura, sigui pa un candeloso wega, unda SV Riverplate a topa cu SV RCA.

   Den e prome wega, e team di SV Riverplate a sa di anota y bay dilanti.  Pero despues e team di SV RCA a ‘bons bek’, cu 3 goal, y a asina a gana y celebra e debut di Erik Santos como Headcoach di e ekipo di tricolores.

   E di dos wega Diahuebs tabata entre La Fama y RCA.

   Awe Diasabra tin tres partido, pa 5or ta Riverplate vs Sporting, sigui pa otro "Guerra di Pariba Brug" La Fama vs Brazil jrs y anochi ta cera cu Master Boys di Primavera contra nan bisiña SVv Dakota.

   Diadomingo ta dicidi e "recta semi final" RCS vs Brazil jrs y Estrella vs Master Boys. Entrada ta solamente 5 Florin.  Muchanan te cu 12 aña ta pasa 2 Florin. Saca bo Bandera, Tambora, E Jersey, dal bo Cap y yega CDFF pa apoya bo ekipo favorito. Ambiente lo ta Candela.