Na Watty Vos Blvd, Green Corridor y entre Spans Lagoen y rotonde Kibaima:
ORANJESTAD (AAN) – Cuminzando diaranzon 2 te cu diabierna 11 di Februari 2022, for di 9’ or di mainta te 4’or di atardi, a cuminza haci trabaonan di marcacion riba Watty Vos Boulevard.
A cuminza for di e rotonde di FCCA bay te rotonde di Alhambra. E caminda no ta cera pero si ta pidi automobilistanan pa tene cuenta cu e personal cu ta eherciendo e trabao riba caminda. Tambe trabaonan di marcacion ta tumando lugar riba Green Corridor.
Mirando e congestionamento di autonan cu ta tumando lugar den e areanan aki, y diferente critica cu hende ta haci via media, por asumi cu aunke DOW a informa via rednan social, hopi hende ta parce cu no tabata na haltura. Pues, por fabor tene cuenta.
Tambe ta asina cu for di entrante 1 di Februari en curso te cu fin Maart 2022, contratista CIC N.V lo pone “splitblokken” y “crashbarries” meymey di caminda, entre e brug di Spans Lagoen y e rotonde di Kibaima.
E caminda no lo wordo cera, pero si ta pidi tur automobilista pa tene cuenta cu e personal eherciendo nan trabao riba caminda. Por fabor tene cuenta cu e informacion aki tambe!
