Studiantenan di EPI a ricibi lectura special di e arte noble di traha biña

ORANJESTAD (AAN): Arion Wine Company, compania local di biña cu ta distribui pa Wente Vineyards, e compania di biña di mas bieu y continuamente opera di famia na Merca, ta organiza un tasting anual di cuater diferente biña.

E evento ta tuma luga na EPI brindando studiantenan culinario algun conocemento den e arte noble di traha biña.

   E studiantenan ta afortuna di por worde instrui por medio di un creador di biña di cuater generacion, Eric Wente, kende a transiciona pa Chairman Emeritus, na 2021, despues di 43 aña si servicio na cabes di e compania, sosteniendo e di cinco generacion cu awor ta maneha e negoshi di famia.

   Wente a brinda un presentacion interesante, elaborando riba 2020 Louis Mel, Sauvignon Blanc, Livermore Valley, California; 2020 Morning Fog Chardonnay, Central Coast, California; 2018 Riverbank Riesling, Arroyo Seco, Monterey California, and 2019 Southern Hill, Cabernet Sauvignon, Livermore Valley, California.

   El a papia cu studiantenan tocante e pasion y ciencia di crea biña, tambe educando su audiencia hoben riba e proceso, incluyendo e forma di e boternan, colornan tipico di biña, nos taste buds, como tambe e importancia di nos nanishi. El a expande tambe riba agricultura sostenibel for di irigacion te na weeding. El a despues describi e plantamento, cosecha y e metodo hopi detaya di crea biña, incluyendo tips valioso di cua cuminda por combina cu nan.

   Wente tin mas cu dos decada ta bishita e isla y nunca e ta faya den bishita e scol y raporta encuentronan anualmente cu studiantenan di EPI manera su actividad di mas faborito ora e ta riba e isla.

   Como Merca su prome famia di biña, e contribucionnan di Wente na e industria di biña na California ta hopi, y Eric ta gusta comparti su conocemento y su experiencia amplio cu e generacion mas jong, na Aruba Vocational School.

   Aki por mira e momentonan memorabel na e scol cu Eric Wente, conduciendo un wine tasting cu Arion Wine Company.