Lider di MEP Evelyn Wever Croes entusiasma cu acogida di pueblo

ORANJESTAD (AAN) – Lider di Partido Movimento Electoral di Pueblo “MEP”, Evelyn Wever-Croes tabata hopi entusiasma ora el a bay deposita

su voto na Maria College pa 12:30 pm, pasobra el a ricibi hopi muestra di gratitud di e pueblo, pa e forma con gobierno a maneha e pandemia.

El a wordo aborda pa prensa cu un pregunta tocante e landspakket y el a reitera cu nan lo sigui negocia cu Hulanda, y a reitera cu gobierno a logra e fondonan pa e di tres cuartal cu ta Juli, Augustus y September pa un suma di 181 miyon florin.

Wever-Croes a experimenta un sentimento hopi diferente cu na 2017, pasobra e aceptacion di pueblo y den casnan di famia, ta hopi grandi y MEP a wordo pidi pa bay cas di hende y no cu MEP a puntra pa bay.