Tres Polis a haya nan promocion den Cuerpo Policial Aruba

ORANJESTAD (AAN): Recientemente a tuma lugar un ceremonia ameno na Centro di Husticia na Macuarima.

Durante e ceremonia a haci entrega di e tres decreto gubernamental na tres funcionario di Cuerpo Policial.

   Ta trata di D. Visser-Boekhoudt kende a pasa for di hoofdagent pa hoofdagent eerste klasse.  Tambe tin A. Solarte Tovar kende a promove di hoofdagent pa hoofdagent eerste klasse.  Despues a sigui cu E. Halabi kende a promove di hoofdagent eerste klasse pa Onderinspecteur.

   Durante e ceremonia altocomisario Arnhem a para keto un rato y dedica tempo na e trayecto di e coleganan y a reconoce nan pa e dedicacion y esfuerso valioso pa cu Cuerpo Policial Aruba.

Cuerpo Policial Aruba ta felicita e funcionarionan cu nan promocion bon mereci y ta gradici nan pa nan aporte y esfuerso continuo na Cuerpo KPA.