Tres persona herida den accident na cruzada di Koyari  

ORANJESTAD (AAN): Diasabra mainta a sosode un accidente di trafico riba e cruzada di Koyari.

 Central di Polis a manda patruya di Noord mesora pa e lugar.

   Na yegada di polisnan a bin constata cu tin hende herida y lo bay tin mester di dos ambulance. 

   Na e sitio por a compronde cu e Nissan Skyline color blanco tabata direccion nort, yegadando e crusada conoci di Koyari cerca di Koyari 27-A, a bay sortea y bira na su man robes. Pero na forma inexplicabel, e chauffeur ey no a mira un SUV Toyota Rush color maron yegando y aki ta ocasiona un accidente frontal lagando un dama herida cu bastante dolor na curpa.

   Dos ambulance a worde pidi. E dama tabata den e Toyota Rush y 2 menor di edad tabata den e Nissan Skyline. Tur a bay Servicio di Emergencia na Hospital pa control medico mas avansa.  Polis di trafico y Forensys tambe a presenta, pa haci nan parti.