Problema na Playa ora dos grupo di hoben a haya nan den conflicto

ORANJESTAD (AAN): Tabata Diasabra anochi trempan, banda di 7:30 pm cu unidad di Polis di Playa a ser manda den Hendrikstraat como cu aki dos hoben lo a haya problema cu un otro grupo di 3 hoben. 

Y nan a haya nan ta core pa nan bida, como cu e gang di 3 hoben tin arma di candela den nan poder.

   Debi cu e conflicto a escala asina rapido, e dos hobennan a dicidi na core bandona e area pa nan mesun seguridad.  Pasobra nan no conoce e tres personanan aki cu a busca nan problema y menasa nan.

  Polis a yega den e zona y a busca rond, y finalmente a haya e dos hobennan den Zuster Candidastraat, cu ta keda net banda di Alfie’s Restaurant.  Varios unidad mas di Polis, incluyendo unidadnan motoriza a yega den e area buscando e gang di 3, pero no por a localisa nan.

   E dos hobennan a cuminsa splica Polis di e asunto, pero nan tabata basta altera y spanta ainda, y pa trankilidad, a dicidi pa bay cu nan rumbo Warda di Polis den Paardenbaaistraat pa asina tuma nan declaracion na un forma mas calmo y safe.  Y trata na bay na profundidad di e problema cu diripiente a escala riba caya.