Hoben a bira malo anochi den area di Hotelnan

ORANJESTAD (AAN): Tabata Diabierna anochi cu yamada a drenta na Polis, pa indica cu tin algo pasando cu un hoben, y cu e lo ta benta abao den parkinglot di un Mall na Palm Beach.

   Mesora Polis a ser manda eynan, y a pone Centro di Alarma tambe na altura pa manda un Ambulans.  Ora cu a yega den e parkinglot, Polis a bin topa cu un hoben cu visiblemente ta mustra di ta confrontando problema cu salud.

   Tur cos ta mustra cu e hoben tabata na un piso na halto, y di aki caba a mira cu su salud no ta bon. Hendenan a papia cu ne pa asina e baha pa piso mas abao.  Y aki bao el a haya un sorto di seizure, parecido na un atake di epilepsia of algo similar.

   Paramediconan a yega mesora, y a logra di calma e hoben pa asina tuma su señalnan vital.  Despues a bise pa nan bay cune Hospital pa haci par di test pa ta sigur cu e ta bon bek.