Polis y Kustwacht a persigui hoben cu a horta un waverunner riba lama

ORANJESTAD (AAN): Polis y Kustwacht a persigui un hoben cu a horta un waverunner riba lama. E hoben identifica como Mathilda, cu ta conoci pa polis,

a bira un dolor di cabes pa e agentenan, cu a purba di razona cune pa e situacion no escala. Na dado momento, Polis mester a pidi asistencia di Kustwacht pa detene.

Kustwacht a desplega un boto chikito pa bay tras di e hoben, pero esaki no a logra, y a dicidi di manda e barco grandi pa sigui tras di e hoben riba lama grandi. El a sali banda di Tele Aruba bay abao.   

Mathilda a para den diferente pier y polis a papia cune pa e entrega su mes, pero aparentemente e hoben a haya cu esaki ta un joke y hasta a haci algun maniobra cu e waverunner y a muha e polisnan den boto y riba tera. Na Barcadera, el a bisa polis cu ora gasolin caba, e lo entrega su mes.