Polis a gara UTV coriendo riba duinen

ORANJESTAD (AAN): Ni maske cuanto borchi cu instancianan y tambe Gobierno pone, pa adverti publico y bishitantenan pa nan no core cu vehiculo di motor riba duinen cu tin patras di Faro di California, toch esaki ta sigui socede.

   Diadomingo atardi, chauffeur di un vehiculo tipo UTV a dicidi na drenta den zona restringui.  Y net e momento ey un unidad di Polis Motoriza tabata den e area, y mesora cu nan a nota e persona ta violando regla, a core drenta den accion.

   Den e area patras di Faro, nan a bay papia cu e chauffeur pa asina mustre cu e tin di respeta reglanan, y a mustre cu tur caminda tin hopi di e borchinan cu ta indica cu no ta permiti pa bo core cu vehiculonan motoriza riba duinen y beachnan.