Polis a gara un intruso den cura di cas na Paradera

Dos otro a logra huy

ORANJESTAD (AAN); Tabata Diahuebs anochi cu habitantenan a mira con tres persona a drenta un cura di cas na Paradera, y mesora a dicidi na yama Polis.

   Nan no sa si tin hende ta bibando na e cas of no, pero ora cu polis a haya e yamada, nan a mobiliza mesora pa e area.

   E unidadnan di Polis a yega na forma sorpresivo dilanti e cas, y agentenan a mira cu enberdad tabatin tres sospechoso riba tereno di e cas.

   E tres hombernan aki, na momento cu nan a mira presencia di asina hopi Polis, nan a busca forma pa huy.  Dos di nan a logra huy via e cura patras y a desaparece den scuridad.

   Un di e intrusonan a busca tur forma pa e tambe huy, sinembargo e tercio aki no a logra como cu Polis a pone man riba dje.

   E homber aki cu cabey rasta, a pone boei riba su mannan, y a manda busca Vehiculo Special pa transporte pa Warda di Polis.  Pasobra na Warda di Polis lo bay papia cune, pa asina haya sa kico exactamente e tabata haciendo eynan.

   DIARIO a compronde cu despues di interogacion na Warda di Polis, e homber aki cabey rasta a wordo poni bek den libertad.