Cuerpo Policial:
ORANJESTAD (AAN): Cuerpo Policial a informa cu un atraco a tuma lugar na un cas na Madiki. Pa mas o menos 00.05 Central di Polis a wordo notifica di un atraco cu a caba di tuma lugar na un cas na Madiki.
Na yegada di patruya ta bin compronde di e victima cu e lo mester a wordo atraca door di dos hende homber bisti full na preto cu despues a huy for di e sitio den un auto color shinishi y un di nan tabata tin un arma di candela. E atracadornan a bay cu un suma di mas o menos 10 mil florin.
Atraco Team a presenta na e sitio pa haci nan investigacion.
Di parti Cuerpo Policial ta pidi esnan cu a wak algo of sa algo yama e tiplijn di polis cu ta 11141
