Peaton na Savaneta a bira e di 13 morto di trafico

ORANJESTAD (AAN): Diasabra pa mas o menos 5:03 di marduga, Central di Polis ta wordo informa cu probablemente auto a alcansa un peaton riba e caminda di Savaneta.

E victima, hende homber, no ta reacionando y e auto lo a bandona e sitio (hit and run).

Central di Polis ta despacha patruya como tambe ambulance pa e sitio di e sucedido.

Na yegada di e prome patruya na altura di Winter Garden Supermarket ta bin topa enberdad cu un hende homber band’i caminda y cu no ta reacionando.

Ambulance ta presenta na e lugar y paramediconan a duna asistencia medico na e victima. Nan a a haya pulso y a bay cu e victima cu maximo urgencia hospital.

Pero na yegada na hospital no por a haci nada mas y dokter ta constata morto di e homber Ireno Quant naci na Aruba 27 augustus 1956 (70 aña). E ta bira e di 13 morto den trafico pa aña 2026.

Specialista di trafico como tambe polis tecnico a presenta pa haci nan investigacion.

Departamento di Slachtofferhulp a wordo notifica tambe.

Un rato despues central di polis ta wordo informa cu e chauffeur di e accidente a presenta na Warda di Polis na San Nicolas. E Nissab March tabatin basta daño material. E chauffeur a splica cu el a dal un persona na momento cu el a cana subi caminda, pero cu e susto a pone cu el a sigui bay ariba pa yega warda di polis. E vehiculo a wordo confisca pa mas investigacion. 

DIARIO y Cuerpo Policial Aruba ta manda palabra di condolencia na famia di e fayecido.

Un suplica na comunidad pa ban trankilo den trafico!