Palo di luz rond di compleho di apartamento a pega na candela

ORANJESTAD (AAN):   Diasabra marduga, polis y brandweer a responde na un emergencia cu a surgi relaciona cu un palo di luz cu a keda afecta y a pega na candela cerca di un compleho di apartamento.

            E palo di luz, situa cerca di e compleho di apartamento, a yama atencion di habitantenan, a pesar cu ainda tabata tempran. Na yegada di brandweer, nan a constata cu pa motibo di e riesgo cu e candela por a representa, nan no por a drenta den accion inmediato.

            A warda pa un truck di N.V. Elmar pa tuma medida y kita e coriente prome cu nan por a procede cu e situacion peligroso. E problema tabata relaciona cu un kabel cu a pega na candela, y e situacion a sigui expande.

            No ta conoci kico a ocasiona cu e kabel y poste di luz a keda afecta y pega na candela. Afortunadamente, e bomberonan  a maneha e situacion pa evita consecuencianan mas serio.

            Autoridadnan ta investigando e causa di e incidente pa tuma medida necesario pa evita reincidencia di e tipo di problema aki.