Conflicto entre pareha a culmina den detencion na Santa Martha

Un otro caso di maltrato den weekend...

ORANJESTAD (AAN):   Net pa amanece diadomingo, polis a interveni den un situacion di conflicto entre un pareha unda e dama a resulta victima di maltrato. Esaki a sosode casualmente riba dia internacional contra violencia di hende muher.

            Despues di e incidente di maltrato, e dama a logra scapa y a dirigi su mes pa un luga unda el a busca refugio. Na e momento aki, e dama a tuma e paso di yama polis pa pidi asistencia.

            Na yegada di polis, nan a topa cu e pareha di e dama y a descubri unda e dama tabata scondi.          Durante nan intervencion, agentenan di ley a scucha e relato di e dama y a constata e maltrato cu a tuma luga, confirmando asina e veracidad di su storia.

            Dado cu e dama a presenta keho, polis a procede cu e detencion di su pareha pa maltrato domestico. Pa transporta e homber warda, nan a pidi un vehiculo di polis, unda a wordo atendi pa un Sub Fiscal durante e proceso legal.

            E caso ta resalta e importancia di actua rapido y efectivo den situacionnan di maltrato domestico. Polis ta cumpli cu nan deber pa proteha e victima y tuma medidanan legal pa trata cu e agresor.