Nissan March a bolter riba caminda pa Alto Vista

ORANJESTAD (AAN): Diadomingo atardi tabata tin un accident na Noord, unda cu un auto a bolter.

Polis y ambulance a wordo notifica pa bay na e lugar di accidente cu a sosode riba e caminda di Sabana Liber pa Alto Vista.

   Alrededor di 6’or di atardi habitantenan di e area a scucha un sinodo fuerte y ora cu nan a bay pafo pa wak, nan a topa cu un Nissan March cu a bolter.

  Paramediconan cu a presenta na e lugar a examina e chauffeur di e vehiculo y a constata cu tabata mihor pa e wordo transporta pa hospital, pa ricibi tratamento.

Polis di trafico ta haciendo un investigacion di e accidente, pa determina kico exactamente por a causa esaki.

E auto naturalmente a keda cu basta daño.