Masterclass pa Polisnan di Aruba riba tema di integridad

Den pleno desaroyo policial

ORANJESTAD (AAN): Cuerpo ta den desaroyo continuo y tin como meta profesionalisa, integridad y union policial. Den e cuadro aki y e direccion cu KPA kier enfoca riba dje a organiza

diferente Masterclass cu a trata e temanan aki.

    E curso a worde duna na tur personal den Cuerpo Policial Aruba. E simannan cu a pasa a trata e tema di Integridad den e Masterclasses. For di e College van Korpschefs e tema aki a worde trata y profundisa regionalmente den e otro Cuerponan den Caribe Hulandes.

   E Masterclasses a worde duna door di sr. Oene Bouwman y sr. Jose Rosales cu den un manera interesante a sa di duna e materia interactivamente. Minister di Husticia mr. Arthur Dowers conhuntamente cu Procurador Generaal señora Flanegin tambe tabata presente y a presencia e tema importante di integridad.

   Por mira back na combersacionnan, y pensamento inovativo pa loke ta e tema Integridad. Tambe a siña aspectonan importante cu ta toca e trabao di Polis pero tambe cu por worde uza den bo bida diario.

E efectonan positivo cu e tema aki lo trece cu ne den e Cuerpo ta premira di ta uno importante pa eleva e direccion y maneho cu kier worde hiba.

   Danki na cada un colega cu a forma parti di e Masterclass Integridad y hunto den union nos lo sigui hiba KPA na e siguiente nivel di seguridad pa Pais Aruba.