Motociclista a keda herida durante accident na crusada di Koyari  

ORANJESTAD (AAN): Un accident a sosode Diabierna merdia algo pasa di 12'or.

   Ta trata di un accident entre brommer cu auto ariba e crusada di Empresa Italo Arubano na Koyari. Unidadnan di polis y tambe di ambulance a presenta na e luga di e sucedido.

   Polis a topa cu e motociclista herida. E tabata ariba suela y e tabata tin herida na cabes y brasa. Ambos herida tabata sangra. E impacto di e brommer tabata den banda drechi di e auto.

   Segun informacion, e auto, esta un Lexus a subi e crusada for di pariba y no a duna preferencia na e brommer biniendo for di nort. Dos unidad di Ambulance a yega na e sitio. E chauffeur di e Lexus tabata un persona di edad, sinembargo e tabata mustra den bon estado y tabata papia cu polis. E motociclista a wordo transporta pa Hospital. Polis di trafico y road service a yega e lugar, pa asina haci nan parti.